«Слово» – 19-та неділя по Сошетствії Святого Духа, Покров Богородіці. – неділя, 9.00 год.

В місяці октобер празднуєме радсотный праздник Покрова Богородіці. Коріня того праздника сягають до далекой історії аж на Ґолґофту, де під крестом стояча Марія вєдно зо св. Йоаном Богословом чують од умераючого Хріста: Смоть, твойа мати! Смоть, твій сын!

Тыма словами Марія прїмать вшыткых за свої діти через особу св. Йоана. Она тоту завязаность взяла серьйозно, і по своїм успенії не перестала єй выповняти. Ціла історія Церькви нам о тім свідчіть многыма подіями народів, міст і окремых людей. Но офіціално ся початок праздника Покрова кладе до 10 стороча, кідь Мати сохранила місто Константінопол перед Арабами. На памятку той побіды было установлено каждого року праздновати праздник Покрова. Но тот праздник не мать быти лем припомянутьом того, як Мати Божа помагала і помагать своїм дітям, но тыж мать припамятати і нашу завязаность выповняти слова: Смоть, твоя мати. Як тото робити?

Марія сама указує нам приклад. Она у своїм жывоті Боже слово слухала, сохраняла, жыла. Одповідала на пожадавку Божой волі все словами: Най буде так! Од Благовіщенія аж по Ґолґофту. Тото выжадує і од нас. В Кані Ґалілейскій говорить рабам: Зробте так, як вам повість мій Сын Ісус Хрістос. Кідь хочеме ся звати правдивыма дітями Марії, правдиво єй чествовати, тото мусить быти проґрамом і нашого жывота. Робити тото, што нам Хрістос говорить через своє слово. Жыти добрый хрістіаньскый жывот. Одповідати готовностьов повнити волю Божу: Най буде так, як хочеш. Слава Ісусу Хрісту!

В неділю, 15. жолтня/октобра 2017 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 15. жолтня/октобра 2017 р. о 15.00, 20.00 год. і 16. жолтня/октобра  o 2.00 год. за русиньскым часом.

Фото: Ікона Покрова пресвятой Богородіці. Жрідло – Wikipedia.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА