«Слово» – Неділя Захея – неділя, 9.00 год.
В днешнім євангелію сьме чули, як Ісус приходить до Єріхона, де ся стрічать із головным мытарьом Захейом, Захей хотів увидіти Ісуса, но быв малого зросту, зато выходить на фіґовый стром. Но Ісус на нього посмотрив і кличе злізти долов, бо мать быти в його домі. Захей сходить і радостно го принимать. Хоць многы нарікають, погорджують може і самым Господом, же ввошов до дому грішника, но Ісус вказує, же Божы пути не суть людьскыма. У Захея наставать внутрішня переміна, котру іщі не было видно, прото Ісус є тихо і іде за своїм наміріньом до дому Захея. Захей принимаючі го у своїм домі говорить: половину маєтку роздам бідным а покривдженым верну штирираз веце. А Ісус на то: Днесь пришло спасіня до того дому. Днешнє євангеліє вказує нам на покаяня Захея, а з другого боку вказує на Бога Чоловіколюбця, котрый хоче навернути грішників. Захей выхосновав тот час благодати. Ісус і нам давать тот час, выхоснуйме го на наше спасіня. Слава ісусу Хрісту!
В неділю, 29-го януара 2017 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 29-го януара о 12.00, 15.00, 20.00 год. і 30-го януара о 2.00 год. за русиньскым часом.
Фото – Захеїв фіґовник в Єріхоні – (Wikipedia).
ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА
Повязаны дописы
Ґорлиці 106,6 MHz
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
