Стоваришыня Лемків упамятнило Покійного Богдана Ґамбаля (1965-2020)
Любіньскы члены Стоваришыня Лемків памятают о Його особі тіж при нагоді Дня Русинів Польщы.
В 5. річницю смерти бл. п. Богдана Ґамбаля Стоваришыня Лемків оддало чест Покійному. Богдан Ґамбаль одышол до ліпшого світа 2. липця/юлия 2020 р.
Місце спочываня Покійного найчастійше одвиджают члены Кружка Стоваришыня Лемків в Любіні, котрого Богдан Ґамбаль был долголітнім членом. Вчера, в річницю смерти квітя і світило памяти за Стоваришыня Лемків положыл Павел Стафиняк, член любіньского Кружка і заєдно член Стоваришыня «Руска Бурса» в Ґорлицях.
Пару дни перше, 27. червця/юнія на любіньскым цмонтери присутный был Секретар Головного Заряду Стоваришыня Лемків та член Стоваришыня «Руска Бурса» в Ґорлицях, Севериян Косовскій.
Богдан Ґамбаль (1965-2020) был єдным з членів-основателів Стоваришыня Лемків в 1989 р. Хвилю пізнійше, бо в 1991 р. стоял при рекативациі ґорлицкой Руской Бурсы, якій посвячал своі пізнійшы рокы.
Любіньскы члены Стоваришыня Лемків на гріб Покійного приходят каждого рока 5. грудня/децембра, в нацийональне свято Лемків – Ден Русинів Польщы. Тото, днес як традиция, стало ся по смерти Богдана Ґамбаля, якій для лемківской соспільности был вызначным діячом, єдным з думкодавців спільнотовых святкувань, нацийонального свята, основательом першого лемківского радия ЛЕМ.фм.
Повязаны дописы
Ґорлиці 106,6 MHz
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
