В Белеграді одпрезенотвали новы русиньскы выданя

Од 25-го октобра по 2-ый новембер 2025-го року одбыв ся в столиці Сербії вже 68-ый річник Меджінародного белеградьского торгу книжок. Ани тот рік на тій події не браковала презентація новых выдань, котры приготовили войводиньскы Русины.

Як інформовала аґентура Рутенпрес, 30-го октобра одбыла ся в Белеграді презентація выдань, котры выдали в НВУ Руске слово. Презентація одбыла ся при підпорі секретаріатів Автономной покраїны Войводина в салі Васко Попа, і конціпована была під назвов Од торгу по торг. Одпрезентованы были вшыткы тітулы, котры вышли од минулорічного торгу по теперь.

На презентації, котру одкрыв директор НВУ Руске слово Борис Варґа, было за імнформаціями аґентуры Рутенпрес представленых понад десять новых книжок, із котрых половина належыть до жандру літературы про діти.

Актуалны книгы представила їх рецензентка Іріна Гарді Ковачевіч, і найвеце бісідовало ся о моноґрафії Саскачеван мой други дом: Панонски Руснаци на канадскей прериї, котрой автором є Любомір Медєші. Пубілкацію выдали вєдно Саскачеваньске дружство русиньской културы і НВУ Руске слово. За редакційну колеґію книгу представила Блажена Хома Цветковіч.

Бісідовало ся і о цалком свіжім выданю, книжці, яка лем недавно вышла з друку. Тот книга Дюры Латяка з назвов Руски народни шпиванки на пожичени мелодиї. Тота штудія русиньской музикы може быти хосеннов і інтереснов про вшыткыы, котры інтересують ся русиньсков співанков.

Фото: Рутенпрес.