Весняны забавы і балі – уж неодолга

Кєд сте іщы не спостерегли, же меньша кількіст забав, концертів, ци інчых подій в остатнім часі выникат з тырваючого тепер Великого Посту, приносиме Вам листу імпрез в уж великоднім періоді, котру може схочете вписати до свого календаря.

17. квітня т.р. можете зачати од 11. Русиньской Забавы в Кошыцях, де од 18.30 год. заграт ансамбль Ґерок. Забава одбуде ся в Культурно-Соспільным Центрі при ул. Єдліковій 7. Білеты мож резервувати через інтернет.

На полудне од Лемковины і кус дальше од Карпатской Руси, але тіж в русиньскым духу, 18. квітня буде проходила забава в Братиславі, о котрій невельо знаме, але ся дознаме…

24. квітня од 20.00 год. в готели Европа в Любіні (ул. Мірошовіцка 1) буде проходила наступна забава, о котрій на тепер знаме лем тілько, што пишеме. Як лем являт ся даякы інформациі – принесеме іх на порталь.

23. мая в краківскым Академіцкым Клюбі Арка (ал. 29. Листопада 50) о 20.00 год. зачне ся “Потупайка в Кракові”, на котрій заграт ансамбль Бурян з Ґорлиц.

Кєд являт ся новы інформациі о приведеных імпрезах, або являт ся наступны пропозициі в весняным ґрафіку забав і балів, буде Вас інформувати. Лем на lem.fm!