Вмер Адам Вєвюрка (1976-2025). Вічна Йому Памят!
Несподівано, 3. грудня/децембра 2025 р. вмер Адам Вєвюрка, діяч Обєднаня Лемків, долголітній педаґоґ і учытель.
Адам Вєвюрка вродил ся 7. січня/януара 1976 р. в Ліґници, в родині Івана Вєвюркы і Ірины Найка, родом з Новой Веси (новосандецкій повіт).
Покійный одобрал середню освіту в украіньскым Загальноосвітнім Ліцею ім. Б. I. Антонича в Ліґници. Студиювал історию на Вроцлавскым Університеті. Пак зачал роботу як учытель в Ліґници і Жешотарах. Вчыл тіж в школі в Мільковицях.
Через 35 років был звязаный з ліґницкым украіньскым ліцейом. Вчыл істориі, знаня о соспільстві та предмету істория і культурa Украіны.
Был редактором часопису «Ватра», дописувал до украіньской ґазеты «Наше Слово». Вельо місця посвячал м.ін. істориі рідного села – Новой Веси.
Парастас за Покійным буде служеный 5. грудня/децембра 2025 р. o год. 19.15 в грекокатолицкій церкви Успіня Пресвятой Богородиці в Ліґници. Похорон в суботу (6. грудня/децембра) о 13.00 год., пак одведіня Покійного на прицерковный теметів.
Вічная Памят!
Повязаны дописы
Ґорлиці 106,6 MHz
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
