Премєровий одтинок проґраму «70 процент» – в суботу о 21.00 год., повторіня в неділю о 3.00, 9.00 та 12.00 год. за лемківскым часом.
Як выселяли Лемків з Ріпника і Мысцовы ― продолжыня бесіды в Підзамочку – проґрам «70 процент» – субота, 21.00 год.
Выселіня на Совітску Украіну ― то «вічна» тема в «70%». Але каждий раз она звучыт дакус інакше і можеме дознати ся дашто нове. Напримір, днеска зас спомнули сме про пропозицию «записати ся Поляком». Як реаґували на тото Лемкы в ріжных селах? Єдны приняли таку пропозицию за здраду віры і народа, інчы ― як єдну і єдину шансу лишыти ся на рідній земли. А што о тым думают днешні гості, дознате ся з нашого інтервю.
Побесідуєме о тым, як священник аґітувал своіх парафіян против выселіню, покля го не забили, як украіньска вышыта сорочка привела дохыж поліцая, про чырянку ― мед за цемент, а і про лелиі, шолкову траву і сушены грушкы…
На знимці од лівой стороны ― Дария Фуджак, родиче котрой походят з Мысцовы і Котани, коло ней Мария Оленяк, а справа ― Мария Врона, котры родили ся в Ріпнику (подаєме родовы назвиска жен). Вшыткы днеска жыют в селі Підзамочок коло Бучача (Тернопільска област).
Ґорлиці 106,6 MHz
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
