З кошыцьков РОС за Добряньскым

Містна орґанізація Русиньской оброды на Словеньску в Кошыцях приготовлює на 23-го септембра 2017-го року в рамках юбілейного Року Адолфа Добряньского путованя до Чертіжного і до Габуры.

Участны в Чертіжнім підуть посмотрити на гроб будителя, так само підуть і ку гробу Юлія Ставровского – Попрадова, вызначного русиньского священика, писателя і поета 19-го столітя. В Чертіжнім навщівлять і містну ґрекокатолицьку Церьков Вознесенія Господне ці господарьску будову курії Добряньскых.

В Габурі будуть годны участны видіти ґрекокатолицьку Церьков св. Михаіла Архістратіга із 18-го столітя, далше репліку найстаршой деревняной Церькви св. чудотвроця Миколая, котрой оріґінал колись находив ся в селі і теперь є в Чеській републіці, а браковати не буде ани выступ ку величезній скулптурі єдного із сімболів русинства – князя Лабірця.

Хто бы мав інтерес брати участь на події вєдно із кошыцькыма членами Русиньской оброды на Словеньску, може контактовати председничку містной орґанізації в Кошыцях пані Марію Бицькову на телефонічнім чіслі +421 948 532 188.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА