Голосник

На многы і благы літа Маестро!

0

Днес 75. уродины святкує особа, котрой представляти Лемкам не треба, а і не Лемкам, през тото як заслужена для лемківской істориі і як важна для лемківской достоменности є то персона, тіж не треба.

19. лютого 1940 рока в Білцареві на Лемковині вродил ся Ярослав Трохановскій – народний діяч, педаґоґ, музык, композитор, писатель та незрівнаний інтерпретатор вершів Івана Русенка, а вкінци – основатель і долголітній кєрівник і дириґент Ансамблю Пісні і Танця Лемковина – єдным словом наш Маестро.

Прешых сім років жытя выховувал ся Маестро на рідній земли в Білцареві, пак на західніх землях – в Пархові, потім в Чмелю. Його найбільшом мрийом на долгы рокы жытя, по тому як на штырі рочкы перший раз почул звук циґаньской капелі, было, жебы мати своі гушлі і мочы на них грати.
В 1955 році втюк з хыжы, жебы піти до музычной школи в Ліґници. В роках 1960-1965 рока робил як учытель в музычній школі, в тым часі тіж основал хор в селі Лісєц. В 1968 році вернул в горы, оселил ся в Білянці, а В 1969 році Ярослав Трохановскій основал ансамбль Лемковина, якій в найбільшій ступени причынил ся до одроджыня ся лемківской достоменности по траґедиі выселінь. Єдном з основ в діяню ансамблю был лемківскій язык – в репертураі та в бесіді на пробах, в перервах, на выіздах, на концертах – все.
Ведений Маестром ансамбль Лемковина все был носительом патріотизму. Вчыл, выховувал, єднал, інтеґрувал, бавил. Долгы рокы ансамбль функцийонувал як неформальна лемківска інституция, аж в 1993 році реґіструючы правну особовіст як стоваришыня. В часах інтенсывной концертовой діяльности ансамбль Лемковина дал соткы концертів і выховал соткы співаків, музыків та культуральных діячів.

Маестро Ярослав Трохановскій, разом з братом Петром Трохановскым і поетом Владиславом Ґрабаном, был єдным з основателів Лемківской Ватры – початково, в звязку з політычныма обставинами, орґанізуваных як пленеровы варштаты ансамблю Лемковина.

Написал музыку до слів верша Івана Русенка – На Лемковині, якій Лемкы приняли як свій гымн.

През рокы Я. Трохановскій зобрал соткы народных співанок і цілий час творчо робит, обраблят, аранжує, компонує. Є творцьом першой лемківсой оперы, якой фраґементы презентуваны были на стрічы з Маестром 24 ХІ. 2012 рока в Рускій Бурсі в Ґорлицях.

Шановий Ювілярю – приймийте в імени цілого ансамблю ЛЕМ.фм+ та Стоваришыня Руска Бурса найщыршы уродиновы желаня – выховали сте нас, навчыли свого і за тото Вам дякуєме, але іщы нам мало! Зато дуже Вам здоровля, жебы през Вашы рукы і през Вашу душу перешло іщы неєдно лемківскє поколіня.

 

З уродиновыма желанями в Маестра были ведучий Стоваришыня Руска Бурса Боґдан Ґамбаль, шефредактор радия лем.фм Демко Трохановскій і шефредактор ґазеты “Бесіда” Петро Трохановскій.

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Контакт: natalia@lem.fm

Коментар

На многы і благы літа Маестро!

0

Днес 75. уродины святкує особа, котрой представляти Лемкам не треба, а і не Лемкам, през тото як заслужена для лемківской істориі і як важна для лемківской достоменности є то персона, тіж не треба.

19. лютого 1940 рока в Білцареві на Лемковині вродил ся Ярослав Трохановскій – народний діяч, педаґоґ, музык, композитор, писатель та незрівнаний інтерпретатор вершів Івана Русенка, а вкінци – основатель і долголітній кєрівник і дириґент Ансамблю Пісні і Танця Лемковина – єдным словом наш Маестро.

Прешых сім років жытя выховувал ся Маестро на рідній земли в Білцареві, пак на західніх землях – в Пархові, потім в Чмелю. Його найбільшом мрийом на долгы рокы жытя, по тому як на штырі рочкы перший раз почул звук циґаньской капелі, было, жебы мати своі гушлі і мочы на них грати.
В 1955 році втюк з хыжы, жебы піти до музычной школи в Ліґници. В роках 1960-1965 рока робил як учытель в музычній школі, в тым часі тіж основал хор в селі Лісєц. В 1968 році вернул в горы, оселил ся в Білянці, а В 1969 році Ярослав Трохановскій основал ансамбль Лемковина, якій в найбільшій ступени причынил ся до одроджыня ся лемківской достоменности по траґедиі выселінь. Єдном з основ в діяню ансамблю был лемківскій язык – в репертураі та в бесіді на пробах, в перервах, на выіздах, на концертах – все.
Ведений Маестром ансамбль Лемковина все был носительом патріотизму. Вчыл, выховувал, єднал, інтеґрувал, бавил. Долгы рокы ансамбль функцийонувал як неформальна лемківска інституция, аж в 1993 році реґіструючы правну особовіст як стоваришыня. В часах інтенсывной концертовой діяльности ансамбль Лемковина дал соткы концертів і выховал соткы співаків, музыків та культуральных діячів.

Маестро Ярослав Трохановскій, разом з братом Петром Трохановскым і поетом Владиславом Ґрабаном, был єдным з основателів Лемківской Ватры – початково, в звязку з політычныма обставинами, орґанізуваных як пленеровы варштаты ансамблю Лемковина.

Написал музыку до слів верша Івана Русенка – На Лемковині, якій Лемкы приняли як свій гымн.

През рокы Я. Трохановскій зобрал соткы народных співанок і цілий час творчо робит, обраблят, аранжує, компонує. Є творцьом першой лемківсой оперы, якой фраґементы презентуваны были на стрічы з Маестром 24 ХІ. 2012 рока в Рускій Бурсі в Ґорлицях.

Шановий Ювілярю – приймийте в імени цілого ансамблю ЛЕМ.фм+ та Стоваришыня Руска Бурса найщыршы уродиновы желаня – выховали сте нас, навчыли свого і за тото Вам дякуєме, але іщы нам мало! Зато дуже Вам здоровля, жебы през Вашы рукы і през Вашу душу перешло іщы неєдно лемківскє поколіня.

 

З уродиновыма желанями в Маестра были ведучий Стоваришыня Руска Бурса Боґдан Ґамбаль, шефредактор радия лем.фм Демко Трохановскій і шефредактор ґазеты “Бесіда” Петро Трохановскій.

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Контакт: natalia@lem.fm

Коментар