Голосник

Теодор Кузяк добрый гумориста был – «Говорить Пряшів» – пятниця, 20.00 год.

0
Радийо Русин.фм з Братиславы як каждый тыжден приносит процийку вісти о плянуваных культурных подіях і роботі русиньскых інституций – музею, театру і ансамблю Пульс.

Книжницьом.фм заряджат бібліотекар Ігор Латта. Днеска буде чытал гумореску Теодора Кузяка пн. Ружана ци Томко.

Целебритом того тыжня буде выхованок ґорлицкой Руской Бурсы, вызначный лемківскій діяч серед Русинів в Америці – Симеон Пыж. Роздумы Теодозиі Латтовой в Припоминці будут тыкати ся часу. Буде про тільо часу, кілько тырвают 2 секунды. Тільо часу може быти дост, жебы сохранити дачыє жытя.

Петро Медвід в Перличках прочытат пару статий з 18. мая 1941 р., якы надрукуваны были в підкарпатскій ґазеті «Карпатска Неділя». Буде про розпочатя в Унґварі художественных тыжнів. Презентували ся писменникы і музиканты. А потім іщы в палаті реґентского комісаря одкрыют выставу карпаторускых малярів, текстильных художників і выставу книжок. А в кафедральным храмі хор богословів даст церковный концерт.

фото – Теодор Кузяк зо сыном, архів Петра Кузяка

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментар