100. річниця уродин Нестора Жылича

Днес 19. мая припадат 100. річниця уродин Нестора Жылича вродженого в Камяній писменника і журналісты, автора більше як 350 вершів зобраных в двох рукописных збірках Карпатскы думкы і Карпатскы стиховинкы. Жылич написал тіж поему За Русь, волю і правду, оповіст з лемківского жытя Гайниця, нарис Никыфор Дровняк і вельо статій про німецку окупацию на Лемковині.
Нестро Жылич жыл в роках 1914-1989.

Більше о Н. Жыличу слухайте днес о 11.00 год. в проґрамі А Я[К]…? на антені радия ЛЕМ.фм, а по 21. год., в рамках высыланя нажыво, получыме ся з Петром Мурянком і побесідуєме о жытю і творчости писменника.

Творы Жылича доступны сут до почытаня в Бібліотеці Рускoй Бурсы в Ґорлицях:
16-18 понедільoк
13-15 пятниця

Нестор Жылич, Сусідови

Ты повідаш што нужденна
Бідна Лемковина,
Она в мене найбогатша
Во світі краіна.

Ты повідаш што Бескыды –
Незнана частина,
А в мене все они будут
Найбільша перлина.

Ты повідаш, што в Карпатах
Туман залігає,
А я раджу, што в них сонце
Найяснійше сяє.

Ты повідаш што Русины
Быдло, а не люде.
Брешеш пане! по твойому
Николи не буде!