25-ый Духновічів Пряшів має своїх переможців. Лавреатков стала Юліяна Карашова

В понедільок 15-го юна 2026-го року одбыв ся юбілейный 25-ый річник Духновічового Пряшова – конкурзу в декламації поезії, прозы, народного розповіданя, властной творчости і малых сценічных форм.

Тоту подію традічно шторік орґанізує Русиньска оброда на Словеньску. Як є звыком, і тот рік фінале в Пряшові опередили окресны або реґіоналны конкурзы, із котрых выбрали ся фіналісты, якы пак вказали свій кумшт на сцені Театру Александра Духновіча в Пряшові.

Духновічів Пряшів 2026 почав коло памятника Александра Духновіча в Пряшові, де отець Мілан Ясик – председа Общества святого Йоана Крестителя, одслужыв панахіду за Духновічом, але і за вшыткых далшых русиньскых будителів і писателів. Так само курто пояснив участникам, же Александер Духновіч є властно основательом русиньской літературы.

Духновічів Пряшів є ту вдяка думці Анны Кузмяковой

По панахіді уж участници ішли до Театру Александра Духновіча, де проходив конкурз. По русиньскій гімні вшыткых привітала модераторка Зденка Кваскова – членка драматічного колектіву ТАД, котра пак почас перервы, яку потребовала жюрі на оціньованя выступаячіх, і забавила діти вєдно із далшым актором театру – Мартіном Оравцьом.

Модераторка припомянула, же днесь можеме святковати 25-ый Духновічів Пряшів вдяка тому, же на початку была думка в голові Анны Кузмяковой, жебы нашы діти мали де декламовати в нашім материньскім языку, і свою ідею зреалізовала, чім створила достойный простор про презентацію русиньского літературного слова. Анна Кузмякова при тій принагоді здобыла міцный аплавз од участників.

25-ый річник Духновічового Пряшова святочно одкрыв председа Русиньской оброды на Словеньску – Мартін Караш.

По його приговорі была представлена тогорічна жюрі, котра была в складі: Осиф Пантликаш – член драматічного колектіву ТАД як председа, і членове Даніела Либезнюк – членка драматічного колектіву ТАД, Михал Павліч – науковый робітник Інштітуту русиньского языка і културы Пряшівской універзіты в Пряшові із шпеціалізаційов на русиньску літературу, Домініка Новотна – докторандка Інштітуту русиньского языка і културы Пряшівской універзіты, котра занимать ся русиньсков літературов, і Іґор Латта – довгорічный бывшый актор ТАД.

Лавреатка тот рік із Камюнкы

Змагаючі ся были розділены традічно у віковых катеґоріях 0 аж 5, і віковы катеґорії были пак розділены на жанры – поезія, проза, духовна декламація, народне розповіданя, властна творчость і малы сценічны формы. На фінале до Пряшова поступали лем найліпшы в окремых катеґоріях на окресных або реґіоналных конкурзах.

Тот рік были такы конкурзы в окресах Стара Любовня, Бардейов, Свідник – де были і діти із окресу Строків, Гуменне – де были і діти із окресу Михалівці, Меджілабірці, Снина, но на фінале были і діти із Пряшова ці окресу Баньска Быстріця, де не были реґіоналны конкурзы.

Довєдна на фінале Духновічового Пряшова 2026 взяло участь рекордных 135 змагаючіх ся. Тот рік, окрем іншого, было много выступаючіх в рамках малых сценічных форм, што підняло чісло участників.

Лавреатков стала Юліяна Карашова із Камюнкы, котра на Духновічів Пряшів приготовила собі в третій віковій катеґорії прозаічный текст од Людмилы Шандаловой. Юліяна ходить на Духновічів Пряшів одмаленьска каждый рік, што так само членове жюрі брали до увагы при вырішованю о лавреатови.

Русиньска оброда на Словеньску дякує вшыткым, котры дали свій вклад до орґанізації далшого успішного Духновічового Пряшова. Подякованя належыть і Міністерству школства, баданя, вывоя і молодежи Словацькой републікы як выголошовательови конкурзу, а Фонду на підпору културы народностных меншын, котрый тоту подію підпорив із публічных средств.

---

Резултаты Духновічового Пряшова 2026

КАТЕҐОРІЯ 0

Поезія

1. Зоя Демкова – МШ Тжебіцька, Гуменне
2. Ґретка Соколова – МШ Татраньска, Стара Любовня
   Андреа Бувалічова – ОШ Карпатьска, Свідник
3. Зузка Годованцьова – ОШ Гырнчіярьска, Гуменнe

Проза

1. Діана Пахутова – СШ ОШ Свідник
2. Вікторія Лукачова – ОШ Пуґачевова, Гуменне

Духовна декламація

1. Вікторія Ослацька – СШ ОШ Свідник
2. Сара Василенкова – ОШ з МШ Убля
3. Тадеаш Ляш – МШ Татраньска, Стара Любовня

Народне розповіданя

1. Михал Мадярчік, ОШ з МШ Убля
2. Якуб Слободник – ЦОШ свв. Кіріла і Мефтодія, Гуменне

Малы сценічны формы

1. ОШ з МШ Якубяны

КАТЕҐОРІЯ 1

Поезія

1. Амалія Цибулашова – ОШ Гырнчіярьска, Гуменне
2. Барбора Матурканічова – ОШ Духновічова, Меджілабірці
3. Матєй Марушін, ОШ П. О. Гвієздослава, Снина

Проза

1. Максіміліан Гнат – ОШ Гырнчіярьска, Гуменне
2. Андреас Яніч – СШ ОШ Свідник
3. Сара Креттова – ОШ з МШ Камюнка

Духовна декламація

1. Анна Гнидякова – ОШ Духновічова, Меджілабірці
2. Александра Раґанова – ОШ Павловічова, Свідник

Народне розповіданя

1. Нелка Василенкова – ОШ Пуґачевова, Гуменне

КАТЕҐОРІЯ 2 

Поезія

1. Михаела Сімчискова – СШ ОШ Свідник
2. Ян Балберчак – ОШ Духновічова, Меджілабірці
   Себастіан Ян Макара – ОШ Дарґовскых героїв, Гуменне

Проза

2. Адела Гаркотова – ОШ з МШ А. Духновіча, Влыч
   Ганна Чернеґова – ОШ Коменьского, Меджілабірці
3. Карін Якубова – ОШ Константінова, Стропків

Духовна декламація

1. Павел Капраль – ОШ з МШ Стащін
2. Самуел Яночко – ОШ Духновічова, Меджілабірці
3. Ела Гутникова – ОШ з МШ Камюнка

Діплом за участь: Патрік Ясик – ОШ Радвань над Лабірцьом

Властна творчость

1. Домініка Гусарова – ОШ Коменьского, Меджілабірці

Народне розповіданя

1. Бранко Коман – СШ ОШ Свідник

Малы сценічны формы

2. СПАД Свідник – ОУШ Свідник
3. ОШ з МШ Убля
   Кечера – ОШ з МШ Якубяны

КАТЕҐОРІЯ 3

Поезія

1. Наталія Цуперова – СШ ОШ Свідник
2. Емілія Лихварьова – ОШ з МШ Камюнка
3. Віктор Бейда – ОШ Духновічова, Меджілабірці

Проза

1. Юліяна Карашова – ОШ з МШ Камюнка
   Адам Ясик – ОШ Дарґовскых героїв, Гуменне
2. Ніна Грустічова – ОШ з МШ А. Духновіча, Влыч
3. Амалія Латтова – ОШ Слободного словацького высылача, Баньска Быстріця

Духовна декламація

1. Марія Маґдалена Черевкова – ОШ Духновічова, Меджілабірці

Властна творчость

1. Зое Гутнянова – СШ ОШ Свідник

Народне розповіданя

Діплом за участь: Йосиф Чурга – ОШ з МШ А. Духновіча, Влыч

Малы сценічны формы

1. Кечера – ОШ з МШ Якубны
2. ОШ з МШ Кленова
3. ОШ з МШ А. Духновіча, Влыч

КАТЕҐОРІЯ 4

Поезія

1. Наталія Чагойова – Ґімназія св. Йоана Златоустого, Гуменне
2. Яна Чургова – Школа умелецького промыслу, Кошыці
3. Ванеса Паліґова – Середня фахова школа педаґоґічна, Пряшів

Проза

3. Ленка Кріжалковічова – Ґімназія св. Йоана Златоустого, Гуменне

Духовна декламація

2. Вікторія Голпова – Ґімназія св. Йоана Златоустого, Гуменне
3. Анна Бобакова – Обходна академія, Свідник

Властна творчость

1. Міріям Мудрикова – Ґімназія св. Йоана Златоустого, Гуменне

Малы сценічны формы

жюрі не уділила місце

КАТЕҐОРІЯ 5

Поезія

2. Гелена Хованцьова, Бардейов

Властна творчость

1. Даша Іжофова, Свідник

Лавреат Духновічового Пряшова 2026

Юліяна Карашова