«70%» – Конференция в Монастырисках, лемківскы кроі, ч. 4 – неділя, 18.00 год.

І то зас передача іщы з довоєнных часів, значыт, з листопада/новембра 2021 рока. Зас конференция, зас бесіда о лемківскых кроях. Але… звучыт она тепер кус інакше.

Тепер, в час войны на Украіні, іщы острійше розумієме, як важны сут скарбы нашой духовой і материяльной культуры, і як они вражливы, деликатны, як легко іх знищыти.

Днес спілрацівникы львівскых музеів оповідают о тым, якы лемківскы скарбы мают в своіх музейных колекциях. Єден з експонатів, якій мі барз ся сподабал – то ляйбик на 140 ґудзиків зо села Камянка, же коло Дуклі. В такым ляйбику ся парадувал єден зо сельскых гудаків. А взагалі єст в львівскых музеях дост лемківскых експонатів. Як скінчыт ся война – подте вшыткы до Львова, то будете іх видіти. А на разі хоц бы в радию о тым послухайте…