«70%» – Лемковина з Рудна, ч. 8 – неділя, 18.00 год.

Мы оповідаме вам о ріжных людях, іх долях, подіях в такій спосіб, як можеме представити слухачам тото в радию. Але нераз шкодую, же не маме інчых можливости, же сме кус ограничены. Бо, напримір, о родині Соболевскых, о непростых іх долях цілком можна бы было зробити добрый фільм, таку родинну саґу. Бо єст дост ріжных сюжетів, сут і драмы, сут і траґедиі. Історию династиі вартало бы зачати в ХІХ ст., і довести аж до нашых часів…

Вера, кєд бы яли ся той справы добры режысеры, сценаристы, то вышло бы дашто цікаве. А покаль не маме лемківской кіностудиі, то подаєме вам ту лем знимкы з о. Михалом Соболевскым, грекокатолицкым парохом Устя Руского і автором збірника «Лемківські співанки» (1967). Ото він – молодый зо женом Юлийом, ото уж старшый – коло Руской Бурсы в Ґорлицях, і тот найстаршый…

Знимкы тоты – зо сайту Lemko.org і з родинного архіву Соболевскых. Подаєме лем знимкы і запрашаме слухати днешню передачу…

Біоґрафію о. Соболевского можете прочытати тіж в архівальній статі Б. Ґамбаля: «Я сой хлопец справедливий… 130. річниця народин о. М. Соболевского».