«70%» – Музей і война – неділя, 18.00 год.
Пересічный краєзнавчый музей цілком такой не подібный до шпыталя. Та преці і інчы музеі – тіж. А єднак в воєнны часы дашто ся змінят. Люде, зранены войном, ідут, жебы вылічыти своі душевны раны, деси на природу, а тіж хоснуют, як лік, і культуру: ідут на концерты, театральны спектаклі, на выставы, в музеі.
Таку терапевтичну ролю полнит тепер і Музейный Комплекс «Лемківскє Село» в місточку Монастыриска. О тым і не лем о тым бесідуєме з директорком музею Віром Дудар.
А знимка горі з мирных часів… То початок фестівалю «Дзвоны Лемківщыны» в Монастырисках в центрі міста. Вшыткы участникы торжественно ідут по головной улици і затримуют ся в місцях, якы мают якісе значыня для вшыткых, як, наприклад, ту, коло церкви. То мала перерва на пісню і молитву. А дале – на ватряне поле…
Так было. Так буде зас. А може, буде іщы ліпше. Лем треба поконати вшыткых ворогів. Лем треба вытерпіти. Лем дочекати ся премогы.
Повязаны дописы
Ґорлиці 106,6 MHz
