«70%» – Як то ся робит? Як то ся будує, як то ся чарує? – ч. 13 – неділя, 18.00 год.

Повідают, же стары люде знали тот ден в січни, коли найліпше стинати дерево на будову хыжы. Повідают, же стары люде знали, якого дерева не можна для хыжы рубати, якого каменя – з місця зрушати, в підвалины закладати. Повідают тіж, же стары люде знали, што закопати під наріжны камені, жебы в хыжы вшытко добрі ся вело.

А вы знате?

Знате, чом і доднес в нове мешканя пущают наперед кота? Чом на вершку даху вчыпляют деревце-квітку? А ци знате, што ся може стати, кєд бы сте корчували дерева, жебы поставити на выкорчуваным пляци свою хыжу?

Но, як не знате – то звідайте старых люди. Ци бодай послухайте нашу передачу о тым, як то колиси на Лемковині хыжы ся будувало.