«70%» – Як то ся робит, як то ся записує? І як то ся звіданя выдумує? – ч. 5 – неділя, 18.00 год.

Ідеме зас по колі: зима, яр, літо, осін… Ніт, не лем в жытю, но і в нашій передачы.

Што же! Маме дві дорогы: просту (гейбы просту) ленію жытя чловека і коло дня, коло тыжня, коло року. Така то ґеометрия нам помагат охопити ріжны выявы і проявы нашого бытя. Наприклад, лемківску обрядовіст – і тоту, яка звязана з ріжныма етапами жытя чловека, і тоту, яка звязана з порами рока, а значыт, зо сезонныма роботами, зо святами, зо вшыткым тым порядком, якы вызначат ци то диктує рік – наш лемківскій рік.

Чом тото цікаве? Бо днес уж рідко хто жыє в такым як раз році. Нашы рокы кус інчы, а і ленія жытя – тіж. Зато вартат спрібувати реконструувати тот простір і час, в якым жыли нашы діды-прадіды. А для того побесідувати зо старшыма людми, якы можут вам вказати як не вшытко, то бодай цінны кавальчыкы інчого бытя, так одмінного од днешнього.

«70%» – передача од Лемків переселеных на Украіну. Проґрам рыхтує Анна Кырпан, потомна переселенців. Кєд цікавит вас дашто, або хочете ся дачым поділити, пиште до авторкы проґраму: 70procent@lem.fm.