Миколай Грицак – лінґвіста Підкарпатской Руси

Днес річниця уродин Миколая Грицака – педаґоґа, лінґвісты, фольклористы і поеты з Підкарпатской Руси.

Миколай Грицак жыл в роках 1908-1979. По скінчыню ужгородской грекокатолицкой учытельской семінариі, М. Грицак учытелювал в школах Підкарпатской Руси. В 1951 році скінчыл філолоґічний факультет Ужгородского Державного Університету, де потім працувал як выкладач. Протягом жытя М. Грицак зберал лексыкальний материял до словника русиньскых діалектів Підкарпатской Руси. Іщы до ІІ світовой Войны зобрал 60 тис. слів взятых з народных пісен, афоризмів, прислів, ци прозовых текстів. По війні продолжувал роботу. Окрем тых 60 тис. поєдных словниковых статій, нашол іщы 250 тис. слів, 15 тис. прислів і приповідок, 300 народных пісен – в сумі 3416 сторін. Цілю выданя словника М. Грицай готовий был піти на компроміс, жебы скомпілювати його працу з роботом Івана Панькєвича і выдати словник під назвом Словник украіньскых говорів Закарпаття: 300 тис. реєстрованых слів. В 1966 році выдано перший том. По смерти вшыткы материялы Грицака передано до Інституту Языкознавства Нацийональной Академіі Знань в Кыйові.

фот. вікіпедия