Радийочытальня: дідове і бабы – субота, 18.00 год. - lem.fm

Сердечні запрашаме на другій одтинок «Радийочытальні», присвяченый дідам і
бабам.

Січен/януар то місяц, в котрым школы і предшколя торжествуют Ден Бабы і Ден
Діда, але треба памятати о нашых рідных каждого дня. Дідове то найблизшы
члены родины, часто опікуют ся своіма внуками, коли родиче заняти сут роботом.
Своім внучатам переказуют дуже любови і терпеливо занимают ся нима. Але не
лем тото єст важне, бо то дідове власні сут лучником медже поколінями,
передают історию і влияют на формуваня ся достоменности молодых люди.
Вартат інтересувати ся тым, як і де жыли нашы дідове, жебы ліпше зрозуміти кым
сме мы самы.

Сердечні просиме выслухати творы, якы чытаны сут по лемківскы през учеників
Основной Школы ім. Александры Вислоцкой в Ґладышові. Просиме на проґрам
«Радийочытальня» в суботу, 1. лютого/фебруара 2020 р., о годині 18.00.

Радийочытальня: дідове і бабы – субота, 18.00 год.

Повязаны дописы

«Слово» – 8-ма неділя по Сошествії Святого Духа – неділя, 9.00 год.

Апостол і Євангелия на неділю – неділя, 09.30 год.

Łemkowie są…

Спомож нас / Wesprzyj nas