«Слово» – Неділя мытаря і фарізея – неділя, 9.00 год.

Ісус Хрістос в днешнім Євангелїю говорить о двох людьох, котры пришли до храму ся помолити. Єден фарізей а другый мытарь.

Фарізей свідомый собі свойой самосправедливости ся не молить, але хвалить перед Богом, што вшытко він робить а ку тому іщі погорджує іншыма. Мытарь стоїть лем взаду і не осмілить ани очі підняти ку небу, але у своїм внутрі ся молить: Боже будь милосердный ку мі грішному. Ісус говорить, же тот мытарь одышов оправданый, а не фарізей. Тото слово учіть і нас, коли приступуєме ку молитві – приступовати з покоров, з усвідомліньом перед кым стоїме. Бог познать доконало наш жевот і нашы діла. Познать і наміріня з якыма мы їх робиме. Ісус не досуджує фарізея за діла, котры робив, же ся постив, же давав десятину, як наказовав закон. Вытыкать му, же собі приписує заслугы, якбы він своїма силами вшытко робив. Не потребує Бога у своїй пыхі, але ставить ся місце Бога. Бога лем інформує, што він про нього робить. Так само Ісус не хвалить мытаря за його рішный жывот, але указує на покаяня і покору. Учме ся од мытаря добрым ділам, но уникайме выхвальованя і одсуджованя другых а тыж учме ся од мытаря покоры а ауникайме його грішносго способу жывота. Слава Ісусу Хрісту!

В неділю, 9. фебруара 2020 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 9. фебруара о 12.00 год. і 10. фебруара o 2.00 год. за русиньскым часом.

Фото: Притча о мытарьови і фарізейови. Жрідло: Wikipedia.