Бесіда з Доротом Максимчак – віторок, 18.10 год.

08. вересня/септембра 2020 р. о 18.10 год. специяльно для ЛЕМ.фм пройде бесіда з учытельком лемківского языка в основній школі в Радваницях, што ся находят недалеко Польковиц. Дорота Максимчак отримала фінансову дотацию з проґраму «Моє місце на земли» Фундациі Орлен на реалізацию проєкту під наголовком «Тот світ не загынул – будут называти нас Лемками».

Пані Дорота Максимчак завязала в Радваницях неформальну лемківску ґрупу, выдумала проєкт, написала внесок, а тепер го реалізує з підтримком директоркы основной школы в Радваницях, Боґуславы Німаш, та з родичами учеників.

«Хочеме вказати нашым дітям, як важне є плеканя культуровой спадковины предків, жебы наш світ николи не загынул і все называли нас Лемками» – бесідує Дорота Максимчак, координаторка проєкту. Учытелька лемківского языка в Шкільно-Предшкільным Комплексі в Радваницях має під опіком того рока десятеро діти – семеро учеників од першой до шестой клясы основной школы, троє предшколяків. Іщы предшколякы, а уж вчат ся лемківского языка, а іх учытелька активні діє, жебы творчо ся розвивали.

Буде забава і розбуджаня пошаны для свого. Акциі проєкту заплянувано так, жебы не лем діти могли мати з них приємніст, а і дорослы. В вересни/септембрі буде Лемківскій Пікнік над озером Глубокє, пак на листопад/новембер заплянувано конкурс талантів. Кінцьом рока Радваниці ся розспівают. «Колядами обох культру буде малюваный вечер коляд з участю школярів з Радваниц і Бучыны». Послідньом подійом проєкту будут варштаты писаня ікон.

Заява бесіды з Доротом Максимчак: