«Гіст в ЛЕМ.фм: проф. Олена Дуць-Файфер» – віторок, 10.30 год.

О першых Лемківскых Ватрах – о іх роли для Лемків, о іх значыню в шыршым соспільным контексті. О тым, якы были Ватры років 1983-1989, а чым Ватра є тепер? Побесідуєме з проф. Оленом Дуць-Файфер, єденом зо спілорґанізаторок першых Лемківскых Ватр в Горах.

«Тепер молоды мают якісый неспокій – чом тота Ватра остала перенята, чом так ся стало? Повторю моє думаня (оно ся товды уж рахувало, мала-м влияня на інчых), котре мала єм товды, як Ватру перенимали – то была за важна імпреза, за барз значуча, жебы не остала перенята през силы домінуючы – УСКТ. Украінці в однесіню до нас сут тіж домінуючом силом, не лем Полякы, то мусиме видіти і розуміти. Виділа-м товды, же маме велику потенцию, же можеме створити своі імпрезы, бо виділа-м, же по нашій стороні сут вшыткы значучы поеты, значучы творці, што творят лемківску культуру ітд. Все мали сме великій потенциял, і так єм думала, же маме тот потенциял, і же то была за важна імпреза, жебы не остала перенята. Тепер може єм змінила своє думаня на тоту тему, але товды єм так думала» – бесідує по роках проф. Олена Дуць-Файфер.