«Голосы Русинів Підкарпатя» – середа, 18.10 год.

Меджі підкарпатьскыма Русинами суть многы, заслугами котрых  мож бы ся гордити. До такых мож однести і Михаіла Бабидорича. Тот ученый-ентомолог цілый жывот робив у науці, свойов роботов приносячі хосен і державі, і нашым людям.

Але то не вшытко, чім ся прославив Михаіл Михаіловіч. Герой нашого проґраму є і знамым еколоґом, котрый ся боре проти збудованя вітряків на Карпатьскых полонинах. Каже, же тоты електроґенераторы цалком зопсують полониньску екосістему, а резултаты будуть страшны.

Іщі у 2005-ім році Михаіл Бабидорич прикапчав ся до русинського руху. Він став актівным членом Народной рады Русинів Закарпатя (став членом выконного комітету орґанізації), став членом презідії Союзу русиньскых писателів і зачав сам писати стихы у прозі на русиньскім языку.

Слухайте «Голосы Русинів Підкарпатя» в середу 28-го януара 2026 р. о 18.10 год., або повторіня в четверь 29-го януара о 4.30 год. і в суботу 31-го януара о 11.00 год. за русиньскым часом.