«Говорить Пряшів» – пятниця, 18.10 год.

Просиме вшыткых, што нас люблят, а і тых, што лем ждут аж ся пошпотиме – слухайте днешню передачу од Пряшова. Найперше буде кляса, а пак оціните.

Нашым днешнім целебритом буде єромонах, професор богословія, языкознавця – Арсеній Коцак.

В части Книжниця.фм – Анна Замутовска – «Бумі» – оповіданя.

Перличка – Пряшівщане дальше чытают лемківску ґазету «Карпатска Русь», де пише ся о тым, як помочы рідным в Старым Краю – єдны сут під Мадярами, другы в фашыстовскым словацкым штаті, а треті під окупацийом самого Гітлера.

Припоминка – припомянеме собі пригоду єдного пастуха зо Спиша.