«Голосы Русинів Підкарпатя» – середа, 18.10 год.
Проґрам Голосы Русинів Підкарпатя – розговоры на інтересны і актуалны темы з підкарпатьскыма Русинами.
Наш герой Павел Дулішковіч хоць ся народив у Туряньскій долині, але рахує себе сам Свалявчанином – прожыв у Турї Реметах шість місяців, а у Сваляві цілый свій жывот.
Гордить ся тым, же є потомком Івана Дулішковіча, знамного русиньского історіка 19-го стороча і Дулішковічів Євмена і його сына Віктора, ґрекокатолицькых сящеників, репресованых Совітами у середині 20-го солітя.
Малярь-самоук взяв ся за пензлик скоро. Вчів ся од другых майстрів . Робити зачав з акварелу, а дале – пейзаж, портрет, закутина.
Дулішковіч свої полотна пише у штілі імпресіонізма. Меджі знамыма членами умелецького общества особливо цінить цімборство з прощеным бы Александром Федяєвом, а такой із заслуженым малярьом Україны Стефаном Шолтисом.
Великов гордостьов про Павла Георгійовіча є сын Павел, котрый пішов слідами нянька, і сын брата – Віктор, русиньскый актівіста, што жыє на Мадярах.
Слухайте «Голосы Русинів Підкарпатя» в середу 17-го юна 2026 р. о 18.10 год., або повторіня в четверь 18-го юна о 4.30 год. і в суботу 20-го юна о 11.00 год. за русиньскым часом.
Ґорлиці 106,6 MHz
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
