«Голосы Русинів Підкарпатя» – середа, 18.10 год.

Дакілько тыжднів назад мали сьме як гостя «Голосів Русинів Підкарпатя» керовника рок-банды «Рокаш» Віктора Янца. Кедь наш слухатель тямить, то Віктор говорив, о тім як «Рокаш» подає стары русиньскы співанкы у модерній формі, і як тоу трансформацію принимать молода публіка.

Іріна Янцо – друга половка Віктора, його любов, підпора, сенс жытя. Она не лем є помочов мужови у вшыткім. Як говорить сама наша гостька: «Окремо єден од другого не зробили бы сьме тілько творчіх проєктів».

У 2016-ім році Іра основала женьскый фолк-ансамбель «Анця», котрый за тот час завойовав честь і славу нелем на Підкарпатю, а і за його граніцями. Геройка  «Голосів Русинів Підкарпатя» є самодостатнов авторков співанок. У роботі она такой операть ся о поміч Віктора, котрый помагать їй у вшыткім і пише про «Анцю» многы  пісні.

Слухайте «Голосы Русинів Підкарпатя» в середу 19-го авґуста 2026 р. о 18.10 год., або повторіня в четверь 20-го авґуста о 4.30 год. і в суботу 22-го авґуста о 11.00 год. за русиньскым часом.