Метрыкальны книгы з Лемковины (1777-1913) в інтернеті!

Державний Архів в Перемышли опубликувал наступну част архівальных материялів, котры м. ін. презентуют метрыкальны книгы з грекокатолицкых парафій на Лемковині з років 1777- 1913. Зоскануваны метрыкы походят з Єпископского Грекокатолицкого Архіву в Перемышли, (волюмен но. 142). То 348 архівальных джерел, котры в сумі презентуют ся на більше як 129 тисячах сканів. Речену документацию можете найти за тым мотузком. Старчыт, же выполните вымаганы поля інтернетового формуляря і можете дома, зо свого компутера глядати даны предків та творити родинну ґенеалоґію.

Завдякы шоровій публикациі Перемышльского Архіву маме змогу запознати ся з метрыкальныма книгами з такых лемківскых сел як Бортне, Боднарка, Білцарева, Ждыня, Зындранова, Граб, Ґладышів, Ганчова, Климківка, Команча, Красна, Ліщыны, Маластів, Мокре, Ольховец і вельох інчых.