«Голосы Русинів Підкарпатя» – середа, 18.10 год.

Вікторія Балаж перебрала ся до мужа на Чехы, абы быти коло нього на Паску. Думала, же то на пару місяців, але їй еміґрація затягла ся уже на рокы.

Абы сын Ромчик не забывав родну бісіду, Вікторія зачала му чітати приповідкы по русиньскы, а далше отворила проєкт «Малый Русин», зробила вебсайт.

Наша гостьkа є іщі молодов, але дуже талентованов блоґерков. Приповідка, урывок котрой сьме выслухали теперь – «Замок Брехачу», авторства литовской писателкы Вітауте Жілінскайте, потовмачена і начітана є русиньскым языком. То історія леґіника Дінаса, котрый любив брехати.

Дякуючі Вікторії їй сынови асімілація не грозить. Є надія, же товмачіня геройкы «Голосів Русинів Підкарпатя» поможуть і другым малым Руснакам і їх старшыні спасти ся од ней.

Слухайте «Голосы Русинів Підкарпатя» в середу 7-го октобра 2026 р. о 18.10 год., або повторіня в четверь 8-го октобра о 4.30 год. і в суботу 10-го октобра о 11.00 год. за русиньскым часом.