Дорогы слухачі, красні просиме на 7. выданя релації «Наше і ненаше». Релацію приготовлює Роберто Ломбіно з Прагы.
Тот раз про вас маме бісіду з Томашом Томанеком, гуслістом і лідером музичной ґрупы Блаф з Яблункова з чесько-польского пограніча, котра співать музику кантрі в міснім слезьскім діалекті, называнім по нашіму.
Учуєме о початках капелы, путованю, текстах пісень, улюбленых місцях членів ґрупы, але кус тыж о самім реґіоні, в котрім капела діє. Окрем того вас позвеме до Прагы на русиньску подію на наступну неділю, а музичі ся попозераме до Чехії, Хорватії, Словенії, Мадярьска і Ґреції.
Включте ЛЕМ.фм в неділю о восьмій вечур і дізнате ся веце!
Слухайте «Наше і ненаше» в неділю 22. новембра 2026 р. о 20.00 год., повторіня в понедільок 23. новембра о 5.30 год., і у віторок 24. новембра о 15.15 год.







