Реляция з промоциі книжкы «Церкви і іконы Лемковины» – неділя, 20.30 год.

Просиме в днешній недільний вечер до выслуханя реляциі з авторской стрічы з Ярославом Ґємзом, яка проходила перед місяцьом в Дворі Карвациянів і Ґладышів в Ґорлицях. Стріча была посвячена новопечатаній книжці пн. «Церкви і іконы Лемковины».

Послухайте, як по лемківскы Ярослав Ґємза просит до чытаня його книжкы:

Автор публикациі в своім выступліню оповідал о збераню материялів до публикациі, детальні представлял зміст книжкы, розповідал о елементах східньой літургікы і приспособліню простору церкви та церковного выпосажыня до ней. Реферувал ситуацию малярскых варштатів, діючых на Лемковині (напр. родина Медицкых), якы одповідали за декоративне прикрашыня стін лемківскых церкви та за іконы ци іконостасы поміщены в церквах. Поділил ся тіж вельома інтересуючыма інформациями з долголітніх досліджынь над сакральном штуком на Лемковині та на обшыри цілой перемышльской єпархіі в єй історичных границях.

Запрашаме до слуханя в неділю о 20.30 год., пак повторіня в понедільок (23.01) о 2.30 год., та в суботу (28.01) о 17.00 год.