Вокалный аматерьскый ансамбель «Косиці» (або як они ся самы называють «сочасный фолклорный рокаш «Косиці») быв основаный цалком недавно, у 2022-ім році.
Як кажуть самы членкы ансамбля: «Плели сіткы діла фронта и співали, бы себе й другых пуддержати морално». А назва «Косиці» появила ся аж через два рокы – у марці 2024-го року, коли рихтовали ся выступити на Краснім Полю.
Росош, де жыють гості «Голосів Русинів Підкарпатя», находить ся на граніці Марамороша і старой Бережской жупы, зато тота назва, котра сімволізує красоту, рост і розвой, дуже пасує нашым красным женам. А є їх у ансамблю аж семеро: Людмила Шиповіч-Сойма, Яна Левко, Оксана Миговіч, Люва Ябліньска, Тетяна Мателега, Надія Пітра і Наталія Коваль.
А і співають нашы гості не шаблонно. Суть у них авторьскы співанкы і трансформованы народны, жебы молодеж ся тягла до свого, до русиньского.
Слухайте «Голосы Русинів Підкарпатя» в середу 18-го новембра 2026 р. о 18.10 год., або повторіня в четверь 19-го новембра о 4.30 год. і в суботу 21-го новембра о 11.00 год. за русиньскым часом.







