Музычны варштаты в Рускій Бурсі – фотореляция

10. червця 2017 рока в Рускій Бурсі в Ґорлицях прошли музычны варшаты. Были они ведены Андрийом Трохановскым – кєрівником молодіжного ансамблю Терочка. Стріча принесла великій хосен особливо тым наймолодшым варштатовичам, котры рыхтуют ся помалы, жебы в будучности долучыти до бурсяного ансамблю. Беручы участ в подіі мали нагоду дознати ся про професийне співаня, як тіж попрібувати гры на ріжных музычных інструментах – і як раз тота част варштатів тішыла ся найвекшым заінтересуваньом, особливо тых наймолодшых діти. Віковий переділ был дост шырокій – од маленькых діточок през молодіж по страшых. Як ся вказало, музыка не знат границ і на тым поли вшыткы могли спільні ся получыти. Участникы варштатів навчыли ся двох співанок: Літала пава і Дівчатко стратило ягнятка, котры по двогодинных пробах вызвучали на два голосы. Того рода ініциятивы сут барз цінны. Передовшыткым дают Лемчатам почутя, же Руска Бурса то іх друга хыжа. Дают тіж можніст провести разом свобідний час, а молодому поколіню нагоду до того, жебы могло ся познавати.

Пониже пару знимок з той подіі.