Проф. Анджей Зємба: Треба зас ся там зыйти… Вартат брати участ в історичных подіях – 100 років Руской Народной Республикы Лемків

В 100 річницю великого віче Лемків во Фльоринці і основаня Руской Народной Республикы Лемків радийо ЛЕМ.фм просит вшыткых, котры хотіли бы упамятнити історичны подіі і взяти участ в нацийональным святі, надзвычайні важным вшыткым Карпатскым Русинам.

8. грудня/децембра 2018 р. Стоваришыня Лемків вєдно зо Стоваришыньом «Руска Бурса» в Ґорлицях просят на торжества присвячены подіям, якы одбыли ся в кругу Руской Народной Республикы Лемків. Серед вельох пропамятных пропозиций, запрашаме і до Руской Бурсы до Ґорлиц. В суботу, 8. грудня/децембра 2018 р., по 14.00 год. одкрыєме пропамятну таблицю присвячену РНРЛ. З выкладом, котрий буде споминал лемківскы політичны рішыня, выступит історик з Ягайлоньского Університету – проф. Анджей Зємба.