Ленія Арпада – «Говорить Пряшів» – пятниця, 20.00 год.

Радийо Русин.фм з Братиславы як каждый тыжден приносит процийку вісти о плянуваных культурных подіях і роботі русиньскых інституций – музею, театру і ансамблю Пульс.

Книжницьом.фм заряджат бібліотекар Ігор Латта. Днеска буде чытал вершы Милана Ґая з книжкы Моім родакам. Роздумы Теодозиі Латтовой в Припоминці будут тыкати ся самозадоволіня. Мате сой лячы на плечы і самы себе похвалити за успіхы цілого тыжня. Самособом не прославляйте ся за гідні. Міркуйте. Петро Медвід в Перличках прочытат пару статий з мая 1942 р., якы надрукуваны были в підкарпатскій ґазеті «Неділя». Буде про антижыдівскы законы, якы мали ограничыти право до основаня і ведіня аптик, потім рецензия з радийопєсы высыланій по радию з Будапешту пн. «Тиса тече…». Про траґедию з Рахова, де діти нашли ґранат, котрым нарабляли аж тот так поранил єдного хлопця, же тот вмер в шпытали в Сиготі. Любителів желизниці заінтересує віст про новый порядок потягів на леніі Радванц-Анталовці.

Целебритом того тыжня буде мадярскій комуніста Ференц Патакі, командуючый баталіоном твердыні Перемышль в часах великой войны, якій пак прилучыл ся до большевіків і остал совітскым шпіоном, в II світову войну был командуючым шпіонской совітской ґрупы, цілю якой было передавати вісти про мадярскы войсковы інсталяциі на тзв. Леніі Арпада.

фото – Ленія Арпада при Ясини, wikipedia