Обзерач Природы #102 – Чым є мінерал, а чым є скала?

Ци мінерал то тото само што скала? Чым тоты науковы терміны ріжнят ся од себе? Наштоден не думаме часто над значыньом ґеолоґічных слів, але в науковым світі вшытко мусит мати своє поясніня. Так прошу красні слухати другій одтинок Обзерача Природы, в котрым призриме ся двом найважнійшым термінам в ґеолоґіі.

В найновшій сериі проґраму в місце туристичных вандрівок одкрываме таємниці наук о Земли. Протягом наступных тыжнів будеме вчыти ся о ґеолоґічній істориі нашой плянеты, вчыти ся рахувати час «подля ґеолоґічной скалі часу», глядати одповіди на звіданя такы як: чом Татры сут так высокы, а Низкій Бескід уж ні? Або: ци в Карпатах найдеме золото і нафтову ропу?

Премєра 102. одтинка буде проходила в найблизшу пятницю 6. листопада/новембра о 13.00 год. Проґрам буде повтаряный в суботу 7. листопада/новембра о год. 7.30 та в середу 11. листопада/новембра о год. 4.30.

До стрічы на ґеолоґічным шляку!

Ґеолоґічный словник:
sól kuchenna – кухонна сіль
ciało stałe – тверде тіло
pierwiastek chemiczny – хімічный елемент
krzem – кремний
tlen – окысник
sód – натрий
chlor – хлор
kwarc – кварц
skalenie – шпаты
miki/łyszczyki – лищакы
kalcyt – кальцит 
węgiel kamienny – камінный угель

джерело знимкы: Wikimedia Commons, WidmerThomas, CC0