Анджей Жыґадло, ХРАМ – выстава образів

17 січна 2014 рока о 18 годині в Кракові одбуде ся вернісаж выставы образів авторства Анджея Жыґадлы.

Выстава овінчена є наголовком ХРАМ і лучыт в собі образы трьох тем. Перша тема тычыт ся поймуваня чловека як смертельного быту, але чловека якій є того свідомий. Образы вказуют поєдны особы (в некотрых творах автор навязує до смерти конкретных осіб), як і чловека в контексті соспільства і культуры, яку вытварят на румовиску попередніх.  Друга тема то вказаня храмів як тых, якы підлігают знищыню, а третя, то образы інспіруваны днешнім польско-украіньскым обшыром, з котрого автор ся выводит. Част образів є коментарьом до конкретных подій, якы мали гын місце.

Анджер Жыґадло, вр. в 1988 р. в Пшеворску. Абсольвент Плястычного Ліцею в Ярославю. Тепер студент Малярства – в працовни проф. Лешка Місяка (5 рік) і Консервациі і Одновліня Мистецтва (4 рік) на Академіі Красного Мистецтва в Кракові. Занимат ся малярством, рысунком, ґрафіком і фотоґрафійом. В його заінтересуванях є тіж документация і консервация забытків, істория мистецтва, іконоґрафія забытків Підкарпатя. Є членом Стоваришыня Маґурич.

Анджей Жыґадло є серед тых двох осіб, якы одкрыли істнуваня леґендарной білой церкви в Улючу – старшой од найстаршой.
До почытаня за мотузками:
– Д. Новак, А. Жыґадло, Старша од найсташрой, “Православний Перегляд” липец 2011, нр 7 (313)
– П. Субік, Церков выдерта непамяти – “Польскій Денник” 2011, 25 серпня
– П. Субік, Біла церков вертат під землю – “Польскій Денник” 2013, 31 жолтня

Презентация образів буде мала своє місце в ґралериі Арт Аґенда Нова при ул. Батореґо 2 в Кракові од 17 січня до 24 лютого.