Апостол – 18. Неділя по Сошестві Святого Духа – неділя 09.15 год.

Чітаня з Другого письма святого апостола Павла Корінтянам

(Братя), хто скупо сіє — скупо буде і жати; но хто щіро сіє — щіро буде і жати. Каждый (най дасть), як собі здумав в сердці, не з жальом або насилу, бо хто радо подарує, того Бог любить. Бог мать силу помножыти вам кажду благодать, штобы вы все і у вшыткім мали вшыткого дость а іщі і навеце, про кажде добре діло. Як є написане: Россыпав, розділив худобным, його справедливость буде перебывати навікы. Тот, котрый давать насіня і хліб сіючому, жебы мав што їсти, дасть і помножыть ваше насіня і дасть рости плодам вашой справедливости. У вшыткім вы будете богаты і щіры, і так выповнить ся наша подяка Богу.

Апостол на неділі і свята в русиньскым языку выдало Общество св. Йоана Крестителя. Коректы до тлумачыня вводил екзарх пражского екзархату для грекокатоликів в Чешскій Республиці преосвященый владыка Іван Лавинець.
Апостол на неділі і свята мат імпріматур грекокатолицкого пряшівского єпархы, преосвященого владыкы Йоана Гіркы.

Апостол в русиньскым языку высыламе в неділю о 09.15 год., повторіня в неділю о 12.15 год. і в понедільок о 02.15 год.