Голосник

Апостол – 27. Неділя по Сошестві Святого Духа – неділя 09.14 год.

Чітаня з Письма святого апостола Павла Ефезанам.

 

(Братя), міцнійте в Господі і в силі його панованя. Облечте на себе цілу Божу зброю, жебы сьте ся могли поставити протів злобных діл діявола. Бо мы не боюєме протів кровли і тіла, но протів верьхности, сил і владык темноты того віку, протів злобных духів під небом. Прото облечте на себе Божу зброю, жебы сьте ся в тот планый день могли поставити протів, вшытко вытримати і стояти. Стійте тоды: бокы собі опаште правдов, облечте на себе панцір справедливости, і обуйте приготовленость ку проповіданю Євангелія покоя. Но самоперше собі возьмите щіт віры, котрым можете загасити вшыткы огняны стрілы злого. Возьмите і прілбу спасіня, і меч духа, котрым є слово Боже.


 

Апостол на неділі і свята в русиньскым языку выдало Общество св. Йоана Крестителя. Коректы до тлумачыня вводил екзарх пражского екзархату для грекокатоликів в Чешскій Республиці преосвященый владыка Іван Лавинець. Апостол на неділі і свята мат імпріматур грекокатолицкого пряшівского єпархы, преосвященого владыкы Йоана Гіркы.

Апостол в русиньскым языку высыламе в неділю о 09.14 год., повторіня в неділю о 12.14 год. і в понедільок о 02.14 год.

Фото горі: Ефезскій собор — ІІІ Вселенскій собор християньской церкви в 431 р.

Шеруй.

О авторі

Avatar

Коментарі