Чітаня з Письма святого апостола Павла Колосанам.
(Братя), коли ся появить Хрістос, наш жывот, тогды і вы із ним ся появите в славі. Прото умертвлюйте свої земны уды: роспущеность, нечістоту, тілесность і скупость, котра є ідолослужіньом. За того приходить на сынів невіры Божый гнів. І вы перед тым так жыли. Но теперь одшмарьте тото вшытко: гнів, наремность, злобу, ланя, нестыдливы бісіды із вашых уст. Повідайте лем правду єден другому, здоймите зо себе старого чоловіка і його діла, і облечте на себе (чоловіка) нового, в познаню обновленого, котрый мать подобу свойого Сотворителя. Ту уж не є ани Ґрека, ани Жыда, обрізаного ани необрізаного, барбара ани скіта, раба ани слободного, бо вшытко і у вшыткім є Хрістос.
Коментарі