Апостол – 36. неділя по Сошестві Святого Духа – неділя 09.30 год.

Чітаня з Першого писма святого апостола Павла Тімотейови – зачало 285. (4.; 9-15)

(Сыну Тімотею), правдива тота бісіда і достойна того, штобы єй каждый прияв. Мы ся трапиме і зношаме ганьбу зато, бо маме надію в жывім Богу, котрый є Спасительом вшыткых людей, самоперше вірующіх. Тото проповідай і уч! Най тебе нихто не знечестить прото, же ты молодый, но віруючім будь прикладом в бісіді, в жывоті, в любви, у вірі, в чістоті. Покы не прийду, пильно чітай (Святе Письмо), напоминай і уч! Не занедбуй дар благодати, котрый маш і котрый єсь дістав, кідь старшы на основі пророцтва клали на тебе рукы. На тото думай, в тім жый, жебы твоя способность была явна вшыткым.