Коринтянам першого посланя святого апостола Павла чытаня.
(глава шеста дванадцеты до двадцетого стиха)
(Братя), вшытко мі є доволене, но не вшытко мі є на хосен. Вшытко мі є доволене, но я не буду служыти ничому. Ідло є про жалудок, а жалудок про ідло; но Бог знищіть єдно і друге. Бо тіло не є про нечістоту, но про Господа, а Господь про тіло. Бог воскресил Господа, а воскресить і нас свойов силов.
Ці не знате, же вашы тіла суть уды Хрістовы? Ці тоды мам взяти уды Хрістовы і зробити іх удами чуджоложніці? То нияк раз! Або ці не знате, же тот, котрый спить із чуджоложніцьов, є з ньов єдным тілом? Бо є речене: Будуть двоє єдно тіло!
Но хто увірить в Господа, є з ним єден Дух.
Храньте ся нечістоты! Каждый іншый гріх, котрый чоловік зробить, є окреме од тіла, но хто чуджоложыть, грішыть протів свойого тіла. Ці не знате, же вашы тіла суть храмом Святого Духа, котрый є у вас, котрого мате од Бога, а же вы уж не своі?
Бо вы куплены за велику ціну. Славте тоды Бога і носьте його в своім тілі.
Апостол в лемківскым языку чытат Алесандер Клинковскій.
фото: wikimedia
Коментарі