(зач. 135; 6, 12-20)
Чітаня з Першого письма святого апостола Павла Корінтянам.
12. (Братя), вшытко мі є доволене, но не вшытко мі є на хосен. Вшытко мі є доволене, но я не буду служити ничому.
13. Ідло є про жалудок, а жалудок про їдло; но Бог знищіть єдно і друге. Бо тіло не є про нечістоту, но про Господа, а Господь про тіло.
14. Бог воскресив Господа, а воскресить і нас свойов силов.
15. Ці не знате, же вашы тіла суть уды Хрістовы? Ці тоды мам взяти уды Хрістовы і зробити їх удами чуджоложніці? То пияк раз!
16. Або ці не знате, же тот, котрий спить із чуджоложніцьов, є з ньов єдинм тілом? Бо є речене: Будуть двое єдно тіло!
17. Но хто увірить в Господа, є з ним єден Дух.
18. Храньте ся нечістоты! Каждый інший гріх, котрий чоловік зробить, є окреме од тіла, но хто чуджоложыть, грішить протів свойого тіла.
19. Ці не знате, же вашы тіла суть храмом Святого Духа, котрый є у вас, котрого мате од Бога, а же вы уж не свої?
20. Бо вы куплены за велику ціну. Славте тоды Бога (і носьте його) у своїм тілі.
Апостол на неділі і свята в русиньскым языку выдало Общество св. Йоана Крестителя. Коректы до тлумачыня вводил екзарх пражского екзархату для грекокатоликів в Чешскій Республиці преосвященый владыка Іван Лавинець. Апостол на неділі і свята мат імпріматур грекокатолицкого пряшівского єпархы, преосвященого владыкы Йоана Гіркы.
Апостол в русиньскым языку высыламе в неділю о 09.15 год., повторіня в неділю о 12.15 год. і в понедільок о 02.15 год.
Коментарі