Апостол – неділя по Богоявліню

Чітаня з Писма святого апостола Павла Ефезанам – зачало 224. (4.; 7-13)

(Братя), каждому з нас была дана благодать подля міры Хрістового дару. Зато ся говорить (в псалмі): «Коли вышов на высоту, одвів тых, котры были в рабстві, а людям дав дары.»

А што інче значіть (слово) «вышов», як не тото, же і зышов до нижніх місць землі? А тот, котрый зышов, є тот, котрый вышов над вшыткы небеса, штобы наповнив вшытко. А він єдных выбрав за апостолів, другых за пророків, дакотрых за євангелістів, іншых за пастырів і учітелів, жебы приготовляли віруючіх на діло службы, будовати тіло Хрістове, покы не дійдеме вшыткы ку єдній вірі і познаню Сына Божого, ку (духовній) зрілости мужа, до міры взросту Хрістовой повноты.