Бабы зіляркы – лялькы на здоровля

Заран, т.є. в суботу 24. вересня/септембра, мож выбрати ся до Лося до Мазярской Загороды, де будут проходити індивідуальны варштаты ляльок мотанок, але не такых звыклых, з полотна, але ляльок выполненых пахнучым зільом.

Будут то лялькы на здорвля – лялькы зіляркы, жебы хоронити хыжу перед хворотами, жебы тоты не переходили, переникали досередины. Такы лялькы колиси вішали над колысками, або поміщали попри хворых особах. В залежности од потреб, лялькы были выполняны ріжным зільом. На добрий, міцний сон – мелісом, лявандом, хмільом. На простуджыня – сосновыма іголками, шалвійом/шафлейом. Ляванда з піжмом одстрашали молі. Колиси натура была блызко чловека, хоснувано можливі найбільше з того, што давала. Тепер припоминаме сой покус тоты стары практикы.

При нагоді присутности в Загороді, мож гын пообзерати фотоґрафічну выставу пн. Лосянкы ідут, дедикувану бабам з Лося – женам мазярів. На выставі, якой вернісаж проходил на шторічным Святі Мазяря, поміщено архівальны знимкы з приватных колекций жытелів села, родин та потомків лосяньскых мазярів. Выстава збогачена єст о описы облечыня лосяньскых жен, описы штоденного іх жытя, родинных подій і більшых свят затриманых на старых знимках.

Початок варштатів 11.00 год. Записы під нр: 18 35 34 363 або 601 411 590.

Фот. Мазярска Загорода в Лоси з церквом в Бортным.