Бесіда і чуда

„ЛЕМКО” – ґазета, для народа, в чыслі 26. за 1913 рік, реклямувал бесіду.

В Росиі, недалеко Харкова, неякій Порфірий Сторожко поцілувал ікону Божой Матери, і як подає кореспондент, горячо і іскренно ся молил.

І стало ся чудо. Порфірий промовил.

Кореспондент нашой ґазеты не написал, якы были першы слова, котры выповіл оздоровлений.

Але знаме і з Лемковины, же некотрым коли бы ся трафило выповісти, по лемківскы, хоц лем слово, то было бы то чудо над чудами.