Бесіда з Васильом Баволяком – середа, 18.10 год.

Запрашам до выслуханя інтервю з Васильом Баволяком, авторoм книжок «Лемківскє весіля в Святкові Великій», як тіж «Лемківскы приповідкы і приказкы зо Святковы Великой і околиц» печатаных выдавництвом Жызновскій.

Буде то необычна бесіда з барз скромным чловеком, котрый забере Вас на прогульку в минуле. Оповіст не лем о своій пасиі до збераня етноґрафічных материялів, але тіж о нелегкым жытю своім і свойой родины в часах войны. Будете ся мочы дознати м.ін. про тото, як урядникы змінили його мено – з такого, што звучало мало по польскы, Василь на Базилі, а пак на Болеслава…

Премєра днес, то є в середу 4. серпня/авґуста 2021 р. о 18.10 год., повторіня в суботу 7. серпня/авґуста о 11.00 год.

Веце про послідню книжку «Лемківскы приповідкы і приказкы зо Святковы Великой і околиц» найдете за тым мотузком.