Бескідник #21 – пятниця, 11:00 год.

Бескідник. Так ся называт ґеоґрафічно-туристичний радийовий проґрам, котрий ведений єст Якубом Зиґмунтом в кажду пятницю од 11.00 до 12.00 год.

Маме середину вакаций! Бескідник в тоту пятницю, 27. липця/юлия, буде ведений кус інакше, жебы іщы даякых слухачы радия заінспірувати до вакацийных подорожы. На цілу годину поіхаме там, де редактор проґраму прожывал аж рік, до Естоніі.

Дознаме ся про практичны вказівкы, як, коли, за кілько там доіхати. Послухаме про найбарже знаны і популярны міста Естоніі та найсмачнійшы стравы родом з угрофіньской кухні. Очывидно підеме і на роверову екскурсию по болотах і лісах Естоніі та провіриме актуальну хвилю. А вшытко буде перемішане естоньском музыком. Чуєме ся заран як все о єденадцетій!

В Бескіднику іздиме в далекы і близшы подорожы глядати природничо інтересуючых місц на світі і в Карпатах. В каждым проґрамі дознаме ся про нову роверову екскурсию в Низкым Бескіді. А вшытко тото буде перемішане, як все, музыком зо світа.