Бескідник #35 – пятниця, 11.00 год.

Бескідник. Так ся называт ґеоґрафічно-туристичний радийовий проґрам, котрий ведений єст Якубом Зиґмунтом в кажду пятницю од 11.00 до 12.00 год.

Ісландия, Балканы і Анґлия. Так ся зачне найблизший «Бескідник», якій почути можете уж заран, 7. грудня/децембра 2018 р. В проґрамі підеме на гірскы екскурсиі по найпопулярнійшых трекінґовых шляках Ісландиі, Балкан і Анґлиі. Посмотриме на найбільший ледняк Европы, якій называт ся Ватнайокутль. Пак будеме вандрувати по вульканичных обшырях Нацийонального Парку Ляуґавегюр. Одкрыєме і корону Балкан, ідучы шляком през Альбанію, Косово і Чорногору. Вкінци дознаме ся о вандрівці на третій найвысший верх Анґлиі – Гельвелин – на якій єст тяжкій выхід і треба воювати зо своіма страхами в тых высокых горах. Як Вам іщы мало адреналіны, то конечні слухайте заран «Бескідника»!

Чуєме ся, як все, о єденадцетій!

В Бескіднику іздиме в далекы і близшы подорожы глядати природничо інтересуючых місц на світі і в Карпатах. А вшытко тото буде перемішане, як все, музыком зо світа.