Бескідник #40 – пятниця, 11.00 год.

Бескідник. Так ся называт ґеоґрафічно-туристичный радийовый проґрам, котрый веденый єст Якубом Зиґмунтом в кажду пятницю од 11.00 до 12.00 год.

Словенія. Словация. Славонія. Не мылит ся Вам? Перше то держава, яка ся находит медже Італийом і Хорвацийом. Другє то держава на полудне од Польщы. А третє то реґіон в східній Хорвациі. В найблизшым «Бескіднику», 11. січня/януара 2019 р., підеме до Словеніі – державы колишньой Югославіі. Познаме єй малу, але прекрасну столицю – Любляну. Побесідуєме о інтересуючых місцях в Юлийскых Альпах та о єдній з найбільшых яскынь в світі – Шкоцяньскій Ямі. Як любите експлорувати міста та природу разом, то в Словеніі як найбарже то мож робити!

Чуєме ся, як все, о єденадцетій!

В Бескіднику іздиме в далекы і близшы подорожы глядати природничо інтересуючых місц на світі і в Карпатах. А вшытко тото буде перемішане, як все, музыком зо світа.