Бескідник #41 – пятниця, 11.00 год.

Бескідник. Так ся называт ґеоґрафічно-туристичный радийовый проґрам, котрый веденый єст Якубом Зиґмунтом в кажду пятницю од 11.00 до 12.00 год.

В найблизшым «Бескіднику», 18. січня/януара 2019 р., підеме зас в нашы, карпатскы горы. Тым разом будеме експлорувати обшыр Сандецкого Бескіду, а докладні Маковицю і околиці Рытра. Дознаме ся про інтересуючы, туристичны шлякы, якыма можеме вандрувати посеред лісів і давных пастырскых полян. Як Вас барже інтересує істория і давны замкы, то тіж слухайте «Бескідника», бо буде о рыцарскым замку і його секретах.

Чуєме ся, як все, о єденадцетій!

В Бескіднику іздиме в далекы і близшы подорожы глядати природничо інтересуючых місц на світі і в Карпатах. А вшытко тото буде перемішане, як все, музыком зо світа.